प्राकृतिक श्रोत द्वन्द्व रुपान्तरण केन्द्र नेपालको सहजिकरणमा इन्द्रावति गाउँपालिका ९ मा वनको विवाद मिलेको छ । पालेको रुम्टी सामुदायिक वन उपभोक्ता समूहको आर्थिक गतिविधि तथा सुशासन सम्बन्धि विवाद मिले संगै सोही पालिकाका अध्यक्ष झम्क नेपालले संस्था प्रति आभार व्यक्त गरेका छन् ।
द्वन्द्व रुपान्तरण प्रकृया अन्तर्गत भएको विकल्प पारितको संयुक्त वैठकमा वोल्दै अध्यक्ष नेपालले विवाद रुपान्तरणमा माकुरा र द्वन्द्व रुपान्तरणका सहजकर्ताले खेलेको भूमिका महत्वपुर्ण रहेको बताए । पालिकाभित्रका वनको विवादमा प्राकृतिक श्रोत द्वन्द्व रुपान्तरण केन्द्र नेपालको सहजिकरणको भुमिकाले सामुदायिक बन समुहहरुमा नयाँ जागरण आएको उनले बताए ।
सोही वडाका अध्यक्ष बाबुराम लामाले शुभकामना मन्तब्यको क्रममा बर्षौ देखी द्वन्द्वमा गिजोलिएर बसेको बनले आपसी संबाद र छलफलको माध्यमबाट निकास पाएकोमा खुसी ब्यक्त गरे । उनले समुदायमा रहेका यस्ता बिविध खाले द्वन्द्वमा पक्षहरु बिच संबाद र छलफल गराई समुदायमा शान्ति स्थापना गर्ने रुपान्तरण प्रकृया महत्वपुर्ण रहेको बताए ।
सोहि कार्यक्रममा शुभकामना ब्यक्त गर्नुहुदै वडा नं. १० का वडा अध्यक्ष लक्ष्मण घिमिरेले माकुरा समुह र प्राकृतिक श्रोत द्वन्द्व रुपान्तरण केन्द्र नेपाललाइ धन्यबाद दिए । उनले नेपालको चारकोसे झडीहरुमा ठुला ठुला रुखहरु कुईएर गैरहेका छन् तर हामिले मलेसीयाबाट महँगा काठ किनेर घर बनाउनुपर्ने बाध्यता छ तसर्थ नेपालको बन ऐन संसोधन गरेर उपभोक्ता मैत्रि बनाउन आबस्यक रहेको बताए ।
कार्यक्रममा प्राकृतिक श्रोत द्वन्द्व रुपान्तरण केन्द्र नेपालको राष्ट्रिय श्रोत व्यक्ति नेत्र धितालले संस्थाले गरेको गतिविधी र अभियानवारे बताएका थिए । सहजकर्ता टिका सुवेदीले विकल्प पारितको संयुक्त बैठकको सहजिकरण गरेका थिए ।
कार्यसमिति र उपभोक्तावीच ९ वुदें बिपल्पमा सहमति भएको छ ।
१, विगत लामो समय सम्म हुन नसकेको सामुदायिक वनको साधारणसभा सबैको सहमति अनुसार उपभोक्ताहरुको बिवरण तयार गरी विकल्प पारितको संयुक्त बैठककै दिन सम्पन्न गरी सवै टोलको प्रतिनिधित्व गराई समाबेशी नयाँ कार्य समिति बनाउने ।
२, उपभोक्ताहरुले विगत देखि बुझाउनु पर्ने सदस्यता वापतको रु २००। का दरले समुहमा वुझाउनु पर्ने रकम साधारणसभा अगाबै बुझाइसक्ने ।
३, सामुदायिक वन समूहको हाल सम्मको आम्दानी खर्चको बिवरण साधारण सभामार्फत सवै उपभोक्ता माझ प्रष्टसंग सार्वजनिकीकरण गर्ने ।
४, सामुदायिक वन उपभोक्ता समूहको विधान तथा वन कार्ययोजना तयार गरी सबै उपभोक्ताहरुलाई जनकारी गराउने र सोहि अनुसार वनको संरक्षण, संवद्धर्धन गर्ने र समता मूलक ढंगलबाट परिचय पत्रको आधारमा मात्रै वन पैदावारको वितरण तथा उपभोग गर्ने ।
५, सामुदायिक वनको आर्थिक गतिविधिहरु वैक प्रणाली मार्फत संचालन गर्ने, वनका सवै कागजपत्रहरु चुस्त दुरुस्त र सवैले बुझ्ने गरी राख्नुका साथै त्रैमासिक रुपमा आर्थिक बिवरण सर्बजनिक स्थानमा टाँस गरी सबैलाई जानकारी गराउने ।
६, सामुदायिक वनको सिमाना २०८२ जेठ मसन्ता भित्र वन दर्ता हुदाँको वेला नापि नक्शाको आधारमा सिमाना एकिन गर्ने र आवस्यकताको आधारमा इन्द्रावति गाउापालिका, वडा कार्यालय र डिभिजन वन कार्यालयको सहयोगमा अमिन ल्याइ सिमाना छुटयाउने र त्यलाई सवैले स्वीकार गर्ने । सो कार्यका गर्नका लागि ५ सदस्यीय सत्य तथ्य आयोग गठन गरी अगाडी बढ्ने ।
७, पालेको रुम्टी सामुदायिक वन र सल्लेबोट गैह्रो सामुदायिक वनको उपभोक्ताहरु एउटै भएकोले यि दुबै वन समूहलाई मर्ज गरी पालेको रुम्टी सामुदायिक वन उपभोक्त समूहको नामाकरण गरी एउटै कार्यसमिती बनाइ सल्लेवोट गैह्रा वनलाई समेटेर नयाँ कार्ययोजना तयार गरी कार्यन्वयन गर्ने ।
८, कार्य समिति र उपभोक्तावीच भाईचाराको सम्वन्ध कायम गरी सामुदायिक वनको हरेक गतिबिधिमा सहभागी भई रचनात्मक सहयोग गर्ने भन्ने रहेको छ ।
बिकल्प पारीतको संयुक्त बैठकको समापन पछि साधारण सभाले नयाँ कार्यसमिति निर्माण गरिएको छ ।
अध्यक्ष ःयम बाहादर कुवर
उपाध्यक्षः इन्दु तामाङ
सचिव ः कृष्ण प्रसाद लम्साल
कोषध्यक्ष ःकेशरी तामाङ
सदस्य ः प्रेमबहादुर तामाङ
सदस्य ः मिरा कुँवर
सदस्य ः निर्मला राई कुँवर
सदस्य ः लक्ष्मण तामाङ
सदस्य ः सरिता विक
