बालसुधार माध्यमिक विद्यालय मेलम्ची -७ दुवाचौरको ६७औं वार्षिकोत्सव तथा २५औं अभिभावक भेला बुधबार सम्पन्न भएको छ । कार्यक्रम उद्घाटन गर्नुहुँदै बागमती प्रदेशसभा सदस्य कृष्णकुमार तामाङ(समिर)ले संस्थागत विद्यालय भन्दा सामुदायिक विद्यालयमा सेवा सुबिधा बढि हुने , दक्ष शिक्षक हुँदा पनि शिक्षा सुधार हुन नसकेको बताउँदै अभिभावकले सामुदायिक विद्यालय राम्रो बनाउन लाग्नुभयो ।उहाँले सामुदायिक विद्यालयमा पढेका धेरै व्यक्ति राम्रो ठाउँमा पुगेको भन्दै सामुदायिक विद्यालय राम्रो बनाउन सकेमात्र शिक्षा सुलभ हुन सक्ने बताउनुभयो । गुणस्तरीय शिक्षाका लागि शिक्षक र व्यवस्थापन समितिसंगै विद्यार्थी र अभिभावक, जनप्रतिनिधिको भुमिका महत्त्वपूर्ण हुने बताउनुभयो । विद्यालय प्रतिवेदनमा देखिएका सुधार गर्नुपर्ने कुरामा व्यवस्थापन समिति र शिक्षक कर्मचारीले ध्यानदिनुपर्नेमा जोडदिनुभयो । उहाँले विद्यालयलाई आवश्यक सहयोग गर्न आफु सदैव तयार रहेको बताउनुभयो ।
पुर्व प्रधानाध्यापक सुरत श्रेष्ठले गुणस्तरीय शिक्षाको लागि सबैले मेहनत गर्नुपर्नेमा जोड दिनुभयो । उहाँले यसकालागि सबैको भुमिका महत्त्वपूर्ण हुने उहाँले बताउनुभयो । इन्द्रेश्वरी माविका प्रधानाध्यापक देवी श्रेष्ठले विद्यार्थीहरुले पढाईसंगै व्यवहारीक कुरा पनि सिक्न आग्रह गर्नुभयो । त्यस्तै श्री बाल सुधार मावि भुतपुर्व विद्यार्थी समाजका अध्यक्ष प्रदिप पुरीले विद्यार्थीमा देश भक्तिको भावना हराउन नहुने बताउँदै पढाइसंगै फुर्सदमा घरको काममा पनि सक्रिय हुन आग्रह गर्नुभयो ।उहाँले पुर्व विद्यार्थीको तर्फबाट सकेको सहयोग सदैव हुने बताउनुभयो ।
कार्यक्रममा प्रज्ञा आधारभुत विद्यालयका प्रधानाध्यापक रामकाजि पाण्डे, कार्यक्रममा पुर्व विद्यार्थीहरु सुजल तामाङ, मनिका तामाङ र सुमन गिरीले यहाँ कराँते सिकिरहेका बाल सुधार कराँते डोजोका ३१ प्रशिक्षार्थीलाई ज्याकेट सहयोग हस्तान्तरण गरिएको थियो । त्यस्तै श्री बाल सुधार मावि भुतपुर्व विद्यार्थी समाजको तर्फबाट कक्षा ६ र ७ मा अध्यनरत सञ्जय तामाङ र ठंगले तामाङलाई शैक्षिक सामग्री र ब्याग तथा अभिभावक म्युजिकल चियरमा प्रथम पासाङ तामाङ दित्तिय अनिता ढकाल सुवेदी र तृतीय हुने नारायण श्रेष्ठलाई ग्याँस चुलो , प्रेसर कुकर र थर्मस प्रदान गरिएको अध्यक्ष प्रदिप पुरीले जानकारी दिनुभयो । कार्यक्रममा प्रधानाध्यापक सुर्यप्रसाद श्रेष्ठले वार्षिक प्रतिवेदन प्रस्तुत गर्दै विद्यालयका प्रगती र समस्याहरु प्रस्तुत गर्नुभयो ।कार्यक्रममा बिभिन्न पुरस्कार प्रदान समेत गरिएको थियो ।
विद्यालय व्यवस्थापन समिति अध्यक्ष नवराज सुवेदीको अध्यक्षतामा भएको कार्यक्रममा शिक्षक अभिभावक संघका अध्यक्ष शुदर्शन सुवेदी , पुर्व वडा अध्यक्ष ज्ञानेन्द्र श्रेष्ठ, पुर्व गाविस अध्यक्ष अर्जुन गिरी , उपाध्यक्ष ग्याल्जेन दोङ ,वडा सदस्यहरु, बिभिन्न विद्यालयका अध्यक्ष तथा प्रअ लगायतको उपस्थिति रहेको थियो ।
