आस्क नेपालद्धारा सञ्चालित परियोजनाको सामाजिक परिक्षण तथा प्रगती समिक्षा सम्पन्न
आपसि सहयोग केन्द्र स्याङ्जा नेपाल, काभ्रे शाखा नगरकोटको काभ्रे एकिकृत ग्रामीण सशक्तिकरण कार्यक्रम अन्तरगत परियोजनाको सामाजिक परिक्षण तथा प्रगती समिक्षा बैठक शुक्रबार नगरकोटमा सम्पन्न भएको छ । कार्यक्रममा संस्थाले हालसम्म मण्डनदेउपुर नगरपालिकामा गरेका कामको समिक्षा गर्नुका साथै सल्लाह सुझाव पनि संकलन गरिएको छ । कार्यक्रमका प्रमुख अतिथि मण्डन देउपुर नगरपालिकाका उपप्रमुख विष्णुमणी नेपालले संस्थाले कृषिका क्षेत्रमा उल्लेख्य काम गरेको भन्दै चर्चा गर्नुभएको थियो । उहाँले पालिकाले पनि कृषि क्षेत्र र किसानलाई मुख्य प्राथमिकता दिएको उल्लेख गर्दै संस्थासँग समन्वय गर्दै गरिएको काम फलदायि भएको बताउनुभयो ।
उपप्रमुख नेपालले संस्थाको सहयोगमा नगरकोटमा हाट बजार सञ्चालन भइरहेको भन्दै खुशि ब्यक्त गर्नुभयो । उहाँले पालिकाको निति तथा कार्यक्रममा पनि हाट हजार सञ्चालन गर्ने भनेर उल्लेख गरेको भन्दै हाट हजार सञ्चालन गर्दै गर्दा देखापर्ने समस्या,चुनौती, फाइदा,बेफाइदा सबैकुराको अपनत्व पालिकाले लिने स्पष्ट पार्नुभयो । उहाँले किसानले मात्रै चाहेरपनि कृषि क्षेत्रको प्रर्वद्धन हुन नसक्ने बताउनुभयो । तिनै तहका सरकार,किसान,कृषि क्षेत्रमा रहेर काम गर्ने सरकारी तथा गैह्रसरकारी संस्था सबै मिलेर अगाडी बढ्न सकेमा मात्र किसानका समस्या समाधान हुने बताउनुभयो । संस्थाले एकीकृत ग्रामीण विकास ,साझेदारी विकास स्थानीय लोकतन्त्र प्रवर्द्धन ,प्राङ्गारिक वालि प्रवर्द्धन र विकास कार्यलाई मुख्य कार्यक्रमको रुपमा अगाडि सारेको आस्क नेपालका कार्यक्रम प्रबन्धक प्रल्हाद तिमिल्सिनाले बताउनुभयो ।
त्यस्तै सुचना प्रविधि डिजिटल भिलेज डिजिटलाइजेशन,जलवायु परिवर्तन अनुकुल प्रोत्साहन ,उच्चतम कृषि संरक्षण र विकास ,जिविकोपार्जन सुधारका लागी ब्यबशाय प्रवर्द्धन लघुउद्यम विकास र संस्थागत विकासका कार्यक्रम लाई प्रभावकारी ढंगले संचालन गरिरहेको कार्यक्रम प्रमुख हरिप्रसाद ढकालले जानकारी दिनुभयो । संस्थाले कार्यक्षेत्रमा ९ वटा त्रिकोण ग्रामिण सहयोग समिति गठन भई योजना तर्जुमा र ग्रामीण कोष परिचालनमा कृयाशिल हुनु,१८ वटा बस्तिका बस्तिस्तरिय योजना तर्जुमा गरी आयआर्जनका लागि प्राथमिकताको क्षेत्र निर्धारण, ९ वटा समितिका २६० कृषक सदस्यहरुलाई विभिन्न आयमुलक कार्य जस्तै गाई,बाख्रा पालन,तरकारी खेति,गोठमल सुधारमा लगानी गरि जीवनस्तर सुधारमा केन्द्रित भएको लगायतका कार्यलाई उपलब्धीको रुपमा लिएको छ ।
त्यस्तै बस्ती एवम् वडा स्तरिय योजना तर्जूमामा सहयोग,स्कोर कोर्ड प्रयोग विधि मार्फत आर्थिक बर्ष २०८०÷८१को वडा स्तरिय योजना तर्जूमामा सहयोग,अंकको आधारमा वडाको योजना प्राथमिकिकरण र योजना तर्जूमाको प्रतिवेदन लेखनमा सहयोग गरेका कुरालाई संस्थाले उपलब्धी ठानेको छ । “किसानको परिश्रम किसानको पसिना,किसानकै साथमा,परिश्रमको प्रतिफल,पसिनाको कमाई किसानकै हातमा” भन्ने नारा तयगर्दै नगरकोटमा प्रांगारिक उन्मुख तरकारिको छैटौं हाट हजार सञ्चालन हुनुलाई संस्थाले उपलब्धीको रुपमा सार्वजानिक गरेको छ । आस्क नेपालका अध्यक्ष रुकुमदत्त पौडेलले कृषिक्षेत्रमा ब्यबशायिक भएर लाग्न किसानहरुलाई आग्रह गर्नुभयो ।
उहाँले संस्थाको परियोजना अब करिब १ बर्षमात्र रहेकाले संस्था पछि पनि निरन्तर कृषिमा आत्मनिर्भर हुन्छु भन्ने उद्धेश्यले लाग्न आग्रह गर्नुभयो । कार्यक्रममा चाँगुनारयण नगरपालिका वडा नम्बर ६का वडा अध्यक्ष धनबहादुर लामाले संस्थाले मण्डनमा कार्यक्रम गरेपनि त्यसको लाभ चाँगुनारयण नगरपालिकाका नागरिकले पनि लिने भएकाले संस्थाको कामसँगै हाट हजार ब्यबस्थानको लागि आफुले पनि पहल गरिरहेको बताउनुभयो ।
उहाँले दुवै पालिकाले विशेष चासो दिएर हाटबजारलाई दिगोरुपमा अगाडी बढाउने कुरामा ध्यान दिनुपर्ने बताउनुभयो । सहभागि मण्डनदेउपुर र चाँगुनारण नगरपालिकाका वडा अध्यक्षहरुले हाट बजारलाई ब्यबस्थित ढंगले अगाडी बढाउनुपर्ने जोड दिनुभएको थियो । आस्क नेपालका मण्डन देउपुरका शाखा प्रमुख बद्रिप्रसाद माकले नगरकोटमा अहिले संचालन भइरहेको हाट बजार उपयोगी र महत्त्वपूर्ण रहेको बताउनुभयो ।
उहाँले हाट बजार संगै किसानहरुको कृषिबाली बिमाको कार्यक्रमलाई पनि अगाडि लैजानपर्नेमा जोड दिनुभयो । उहाँले अब स्थानीय तहले पशु विमा संगै कृषि बिमालाइ पनि महत्त्व दिने हो भने किसान हरु ढुक्क भएर कृषि कर्ममा लाग्न हौसला मिल्ने बताउनुभयो । मानव जीवनसाग ,स्वास्थ्य सँग र आम्दानी संग जोडिएको कृषि पेशालाइ ब्यबस्थित ढंगले अगाडि बढाउनपर्ने उहाँको भनाई थियो । कार्यक्रममा कृषि ज्ञानकेन्द्र बागमती प्रदेशका प्रमुख कुलप्रसाद दवाडी , स्थानिय कृषक, संस्थाका विभिन्ने क्षेत्रका कर्मचारि लगायतको आफ्नो प्रस्तुती प्रस्तुत गर्नुभएको थियो ।
प्रतिक्रिया