मोटरसाइकल दुर्घटनामा परी सिन्धुपाल्चोकमा २ जनाको मृत्यू
राष्ट्रिय अनलाइन
प्रकाशित: २०८० भदौ ३० गते १६:०१ सिन्धुपाल्चोक । चौतारा साँगाचोकगढी नगरपालिका-९ घुमाउने डाडाँमा मोटरसाइकल दुर्घटना हुदाँ २ जनाको मृत्यु भएको छ । अरनिको राजमार्ग अन्र्तगत खाडिचौरबाट बन्देउ तर्फ जाँदै गरेको ना.८ ख ३७६ नं.को पेट्रोल बोक्ने ट्याङकरले बिपरित दिशाबाट आउदै गरेको बा.प्र.०२-०३१ प ५९७६ नं.को मोटरसाईकललाई ठक्कर दिँदा मोटरसाईकल चालक पाचपोखरी थाङपाल गाउँपालिका १ बासखर्कका समिर तामाङ र मोटरसाईकल पछाडी बस्ने मेलम्ची नगरपालिका ११ का नबिन पाण्डेको उपचारको क्रममा धुलिखेल अस्पतालमा निधन भएको जिल्ला प्रहरी कार्यलय सिन्धुपाल्चोकका सुचना अधिकारी संजिब कुमार यादवले जानकारी दिनुभयो ।
ठक्कर दिने ट्याङकर र चालक मकवानपुर थाहा नगरपालिका १२ का भिम बहादुर तितुङ लाई जिल्ला प्रहरी कार्यालयले नियन्त्रणमा लिएर घटनाका सम्बन्धमा थप अनुसन्धान अगाडी बढाइएको प्रहरीले जनाएको छ । मृतक अनेरास्ववियूका जिल्ला सह संयोजक पाण्डे र सचिवालय सदस्य दोङ दुवै जना अनेरास्ववियू सचिवालय बैठकका लागि बाह्बिसे जाने क्रममा दुर्घटना भएको बताइएको छ ।
प्रतिक्रिया