हेल्पद्धारा भोटेनाम्लाङ माध्यमिक विद्यालयका प्रत्येक शिक्षकलाई ल्यापटप र शैक्षिक सामग्री सहयोग

राष्ट्रिय अनलाइन प्रकाशित: २०८१ वैशाख ११ गते १९:१७

हेलम्बु एजुकेशन एण्ड लाइभ्लिहूड पार्टनरसिप (हेल्प)ले पाँचपोखरी थाङपाल गाँउपालिका ७ को भोटेनाम्लाङ माध्यमिक विद्यालयका शिक्षकहरुलाई ल्यापटप र शैक्षिक सामग्री सहयोग गरेको छ । शैक्षिक गुणस्तर बृद्धिका लागि सहयोगी हुने अपेक्षाका साथ १० थान ल्यापटप, खेलकुद सामग्री, इसिडि देखि कक्षा ४ सम्मका शिक्षकका लागि आवश्यक शैक्षिक सामग्री लगायत आज हस्तान्तरण गरिएको हो । केहि दिन अघि विद्यालयको बार्षिक उत्सवका अवसरमा गरिएको प्रतिवद्धता अनुसार उक्त सामग्री सहयोग गरिएको हेल्पका अध्यक्ष जिमी लामाले जानकारी दिनुभयो । सहयोगप्रति प्रधानाध्यापक गोपीप्रसाद पराजुलीले आभार प्रकट गर्नुभयो ।

हेल्पले सिन्धुपाल्चोक लगायत देशका बिभिन्न स्थानमा साथि शिक्षक, स्कुल इन अ व्याग, छात्रबृत्ति लगायत सहयोग गर्दै आइरहेको छ ।कार्यक्रममा वडा अध्यक्ष सुके तामाङ लगायतको उपस्थिति रहेको थियो ।