गलैंचा बुनाई तथा बुटिक सम्बन्धी ४५ दिने तालिम भोटेचौरमा सुरु

राष्ट्रिय अनलाइन प्रकाशित: २०८१ वैशाख १२ गते १५:४९

“सीप सिकाैं, स्वराेजगार बनाै” भन्ने मुल उद्देश्यका साथ गरिबी निवारणका लागि लघु उद्मम विकास कार्यक्रम अन्तर्गत सीप विकासका लागि ४५ दिने गलैंचा बुनाई र बुटिक तालिम भोटेचौरमा सुरु भएको छ । प्रमुख अतिथी मेलम्ची नगरपालिकाका उपप्रमुख उमा प्रधानले तालिमको उद्घाटन गर्नुभयो । मेलम्ची नगरपालिकाकाे आयाेजनामा सुरु तालिमको आज उद्घाटन गरिएको हो । उप प्रमुख प्रधानले आयाअर्जन वृद्धिका लागि नगरपालिकाले विभिन्न तालिम सञ्चालन गरेको बताउदै यसको सदुपयोग गर्न आग्रह गर्नुभयो । तालिममा २० जनाकाे सहभागीता रहेकाे छ ।

कार्यक्रमकाे सहजिकरण बुटिककाे लागि फुलमाया तामाङ,चमेली विक र गलैचाकाे लागि मिठु लामिघातेले गर्नुहुनेछ । मेलम्ची नगरपालिका वडा नं १ का अध्यक्ष, कृष्ण मुरारी चाैलागाईकाे अध्यक्षतामा भएको कार्यक्रममा निवर्तमान वडा अध्यक्ष कृष्णप्रसाद चाैलागाई,वडा सदस्यहरू लगायतकाे उपस्थिति रहेको थियो ।