काभ्रेको जिरोकिलोमा रूखमा बाँधेर आगो लगाएर हत्या
राष्ट्रिय अनलाइन
प्रकाशित: २०८१ वैशाख २८ गते १२:४३ काभ्रेपलान्चोेक । काभ्रेको जिरोकिलोमा एक युवकको क्रुरतापूर्वक हत्या भएको छ। शुक्रबार बिहान साढे ८ बजे पाँचखाल नगरपालिका वडा नम्बर ४ जिरोकिलोमा एक युवक मृत फेला परेको जिल्ला प्रहरी कार्यालयका डिएसपी राजकुमार श्रेष्ठले जानकारी दिए।
सडकबाट करिब ५० मिटर तल बिराजे खोल्चा वनमा एक पुरूषलाई मुख र छातीमा फलामको तारले रूखमा बाँधेर आगो लगाएको अवस्थामा शव फेला परेको डिएसपी श्रेष्ठले बताए।
करिब २५ वर्षीय मृतक युवकको पहिचान खुलेको छैन। शव करिब २५/२० दिन अगाडिदेखि नै रहेको हुनसक्ने प्रहरीको भनाइ छ। शव सडिसकेको अवस्थामा छ। प्रहरीले घटनाबारे थप अनुसन्धान अघि बढाएको छ।
प्रतिक्रिया