सिन्धुपाल्चोकमा मोटरसाइकल दुर्घटना हुँदा एक जनाको मृत्यु

राष्ट्रिय अनलाइन प्रकाशित: २०८१ वैशाख ३० गते १८:२१

सिन्धुपाल्चोकको वनदेउ चौतारा सडकको जल्केनीमा मोटसाइकल दुर्घटना हुँदा एक जनाको मृत्यू भएको छ । विपरीत दिशाबाट आइरहेको मोटरसाइकल र टिपर एकआपसमा अनियन्त्रित भई मोटरसाईकल पल्टिँदा एक जनाको मृत्यु भएको हो ।

वनदेउबाट चौतारातर्फ जादैँ गरेको प्रदेश ३-०२-००६ प. ९५३ नं. को मोटरसाइकल र विपरीत दिशाबाट आउँदै गरेको बा.प्र. ०१-००६ ख. २७१६ नं. को टिपर जल्केनी मोडमा भेट हुँदा मोटरसाईकल अनियन्त्रित भइ दुर्घटना भएको प्रहरीले जनाएको छ ।

प्रहरीकाअनुसार मृत्यु हुनेमा चौतारा साँगाचोक गढी नगरपालिका ७ की ईन्दिरा अधिकारी रहेकी छिन् । उनी मोटरसाइकलको पछाडि सवार थिइन् । मोटरसाइकल उनका श्रीमान् सन्तोष दुलालले चलाएका थिए ।

अधिकारीलाई उपचारका लागि चौतारा अस्पताल लगिएपनि अस्पतालले उनलाई मृत घोषणा गरेको जिल्ला प्रहरी कार्यालय सिन्धुपाल्चोकले जनाएको छ । मोटरसाइकल चालक सन्तोष घाइते छन् । टिपर चालक चौतारा साँगाचोक गढी न.पा. ११का मनोहरी गिरी प्रहरीको नियन्त्रणमा छन् । उनीमाथि थप अनुसन्धान भइरहेको प्रहरीले जनाएको छ ।