भित्तेपत्रिका तयारी तथा आधारभुत पत्रकारिता तालिम सम्पन्न
राष्ट्रिय अनलाइन
प्रकाशित: २०८१ जेठ १३ गते १५:५३ 
सनराइज सिन्धु मिडिया प्रा.लीको आयोजना र मेलम्ची नगरपालिकाको आर्थिक सहयोगमा सञ्चालित ३ दिने भित्तेपत्रिका तयारी तथा आधारभुत पत्रकारिता तालिम सम्पन्न भएको छ । तालिमको समापन गर्दै मेलम्ची नगरपालिकाका प्रमुख आइतमान तामाङले विद्यार्थीहरुमा भित्तेपत्रिका,आधारभूत पत्रकारीता सँगै कानुनी साक्षरताका कक्षाहरु समेत सञ्चालन गर्ने योजना रहेको बताउनुभयो । कार्यक्रमका प्रमुख अतिथि समेत रहनु भएका तामाङले अपराधिक गतिविधि न्युनीकरणका लागी समेत कानुनी साक्षरता आवश्यक रहेको बताउनुभयो । उहाँले तालिममा सिकेका विषयहरुलाई विद्यालयमा गएर लागुगर्न आग्रह गर्दै आगामी दिनमा समेत क्षमता विकासका लागी विविध कार्यक्रम सञ्चालन गर्ने बताउनुभयो । कार्यक्रममा सहभागी शिक्षक साधुराम,विद्यार्थी आशिष लामिछाने,शेषाकुमारी तामाङ लगायत तालिम फलदायी भएको बताउनुभयो । तालिमको सहजिकरण डम्बर रसिक भारतीले गर्नुभएको थियो भने १० वटा विद्यालयका २७ जना शिक्षक विद्यार्थीहरुको सहभागिता रहेको थियो । सनराइज सिन्धु मिडियाका प्रबन्ध निर्देशक सागर खड्काको अध्यक्षतामा भएको कार्यक्रममा मेलम्ची १०का वडा अध्यक्ष अमृत खनाल,पत्रकार देवराज सुवेदी लगायतको उपस्थिती रहेको थियो ।
प्रतिक्रिया