उपप्रमुखकाे सकृयतामा मेलम्ची नगरपालिकामा जिल्ला स्तरीय न्यायिक भेला सम्पन्न
राष्ट्रिय अनलाइन
प्रकाशित: २०८१ जेठ १६ गते १७:१८ जिल्ला स्तरीय न्यायिक भेला तथा २ दिने अन्तरकृया तथा अनुभव आदानप्रदान कार्यक्रम मेलम्चीमा सम्पन्न भएको छ । मेलम्ची नगरपालिकाको आयोजनामा स्थानीय तहमा उत्पन्न हुने विवादहरूको समाधान सर्वसुलभ, छिटोछरितो, मितव्यायी, निष्पक्ष ,प्रभावकारी र जनउत्तरदायी विधि र प्रकृया अबलम्बन गरि सबैको लागि पहुँच पुर्याउन जिल्ला स्तरमा एकरूपता ल्याई एक पालिकाको असल अभ्यास अर्को पालिकामा आदानप्रदान गर्दै भावि दिनमा जिल्लामा न्याय निरूपणमा प्रभावकारीता ल्याउने अभिप्रायले कार्यक्रमको आयोजना गरीएको मेलम्ची नगरपालिकाका उपप्रमुख उमा प्रधानले जानकारी दिनुभयो । कार्यक्रमका प्रमुख अतिथी मेलम्ची नगरपालिकाका प्रमुख आइतमान तामाङको प्रमुख आतिथ्यता उच्च अदालत बार एशोसियसनका अध्यक्ष शान्तिराम खतिवडा, कोषाध्यक्ष मिलन श्रेष्ठ, जिल्लाका ८ वटा पालिकाका उप्रमुख/उपाध्यक्ष,जिल्ला स्रेस्तेदार, मेलम्ची नगरपालिका निवर्तमान उपप्रमुख भगवती नेपाल, वडाअध्यक्षहरू,बालमनोविज्ञ नानीलक्ष्मी थापा, न्यायिक सम्पर्क व्यक्तिहरू, मेलमिलाप संजाल अध्यक्ष लगायतको उपस्थिति रहेको थियो । कार्यक्रमको सहजिकरण उच्च अदालत बार एशोसियसन का अध्यक्ष, कोषाध्यक्ष बालमनोविज्ञ नानीलक्ष्मी थापाले गर्नुभएको थियो ।
कार्यक्रम आयोजना गरि अनुभव आदानप्रदान गर्ने मौका दिएकोमा अन्य पालिकाका उपप्रमुख तथा उपाध्यक्षले मेलम्ची नगरपालिका न्यायिक समितिलाई धन्यवाद ज्ञापन गर्दै आफ्ना पालिकामा न्याय निरूपणमा भएका अभ्यासहरू र अनुभव आदानप्रदान गर्नुभएको थियो । कार्यक्रममा बोल्दै उपप्रमुख उमा प्रधानले हामि जनताका लागि केही गर्न भनेर निर्वाचित भएर आएका हौ हामीलाई संविधानले दिएका अधिकारको उपभोग गर्दै जनतालाई सरकार हुनुको अनुभुती महसुस गराउन सक्नुपर्दछ । हाम्रो अधिकार श्रेत्र भित्रको न्यायिक समिति एक महत्वपुणर् पाटो हो सामान्य झैझगडामा पनि जिल्ला सम्म धाउनु पर्ने जनताका बाध्यताहरू आज स्थानीय तहबाटै निरूपण हुने हुदा जिल्लाका हामी सबै उपप्रमुखहरू एकजुट भएर एकका असल अभ्यास अर्काले सिक्दै सिन्धुपाल्चोक जिल्लालाई सभ्य समुन्नत समाज निर्माण गर्न आ-आफ्नो ठाउँबाट लागौ भन्ने सन्देश दिनुभएको छ ।
प्रतिक्रिया