पुर्वसुचना प्रणाली र जोखिम संचार सम्बन्धी तालीम तथा अन्तरक्रीया कार्यक्रम हेलम्बुमा सम्पन्न
राष्ट्रिय अनलाइन
प्रकाशित: २०८१ जेठ १७ गते १८:५३
हेलम्बु गाउँपालिका स्तरीय पुर्वसुचना प्रणाली र जोखिम संचार सम्बन्धी तालीम तथा अन्तरक्रीया कार्यक्रम सम्पन्न भएको छ । हेलम्बु गाउँपालिकाको आयोजनामा भएको अन्तरक्रियामा सामुदायिक विकास तथा वातावरण संरक्षण मञ्च (सिडिइसिएफ्)मार्फत हेलम्बु गाउँपालिकामा विपद्का क्षेत्रमा गरेका काम र आगामि योजनाका बारेमा जानकारी गराइएको थियो । कार्यक्रममा प्राक्टिकल एक्सनका परियोजना अधिकृत मिनेश गुरुङले भौतिक विज्ञान र नागरिक विज्ञानको महत्वका बारेमा जानकारी गराउनुभयो । उहाँले बाढी, पहिरो तथा विपद्का बेला नागरिहरुले खेल्नसक्ने भूमिका र विज्ञका सुझावका आधारमा पुर्व तयारी र पूर्व सुचनाको क्षेत्रमा महत्तोपूर्व काम गरिरहेको बताउनुभयो ।
जलवायु विज्ञ धरमराज उप्रेतीले जलवायु परिबर्तनका असरहरु क्रमश देखिन थालेको जानकारी गराउनुभयो । उहाँले जलवायु परिबर्तनले वातावरण,बनजङ्गल,बाढी,पहिरो,मानव स्वास्थ्य,बालिबिरुवा तथा मानिसको दैनिक जनजीवनमा समेत प्रत्यक्ष र अप्रत्यक्ष रुपमा असर गरिरहेको बताउनुभयो । यसपालि औषत भन्दा धेरै पानी पर्ने भएकाले पूर्व तयारी रहन समेत सुझाव दिनुभयो । विज्ञ उपे्रतीले बाढीको जोखिम अझैपनि कायमै रहेकाले आगामी दिनमा थप सचेत र चनाखो हुनुपर्नेमा जोड दिनुभयो
जल तथा मौषम विज्ञान विभागका मौषमविद् सुदर्शन हुमगाईंले सिन्धुपाल्चोकमा विगत ३० बर्षको भन्दा बढी पानीपर्ने पूर्वानुमान रहेको बताउनुभयो । उहाँले पानी पार्ने प्रणाली,मौषम भित्रिने र बाहिरीने प्रक्रियाका बारेमा जानकारी दिदैँ जल तथा मौषम विज्ञान विभागको सुचनाबारे ख्याल गर्न आग्रह गर्नुभयो ।
हेलम्बु गाउँपालिकाका अध्यक्ष निमा ग्याल्जेन शेर्पाले विपद्का क्षेत्रमा काम गर्दा गर्दै कार्यकाल सकिन लागेको बताउनुभयो । उहाँले भुकम्पले पुर्याएको क्षतिको पुनर्निर्माण,कोभिड र हेलम्बु बाढीका कारण सोचेअनुसार काम गर्न नसकिएको दावि गर्नुभयो । पाक्टिकल एक्सन र सिडिइसिएफ्ले हेलम्बु क्षेत्रमा गरेका कामको चर्चा गर्दै अध्यक्ष शेर्पाले बाढी र पहिरोको उच्च जोखिममा हेलम्बुको सबै वडा रहेकाले सबै सचेत हुनपर्ने बताउनुभयो । यसपालि औषत भन्दा धेरै पानी पर्ने जानकारी आएकाले अझै हेलम्बुमा जोखिम कायमै रहेको उहाँको भनाई थियो । अध्यक्ष शेर्पाले हेलम्बुका केहि ठाउँमा मौषम मापन यन्त्रहरु जडान गर्नपर्ने भएकाले समन्वय र साझेदारी गरेर तुरुन्तै राख्ने कुरामा गाउँपालिका तयार रहेको बताउनुभयो । नदि किनारको संरचना,सडक र बस्ती जोगाउनका लागी गाउँपालिकाले काम गरिरहेको जानकारी दिदै अध्यक्ष शेर्पाले ढुक्क भएर बस्न अझै नहुने बताउनुभयो । छलफलमा हेलम्बु गाउँपालिकाका वडा अध्यक्षहरु,कार्यपालिका सदस्य,विपद् फोकल पर्सन लगायतको उपस्थिती रहेको थियो ।
प्रतिक्रिया