पाँचपोखरीमा म्याद गुज्रिएका अखाद्य बस्तु नष्ट, मिति हेरेर मात्र सामान खरीद गर्न आग्रह
![पाँचपोखरीमा म्याद गुज्रिएका अखाद्य बस्तु नष्ट, मिति हेरेर मात्र सामान खरीद गर्न आग्रह](https://rastriyaonline.com/wp-content/uploads/2024/06/WhatsApp-Image-2024-06-03-at-13.41.42_f3824757.jpg)
![](https://rashtriyaonline.com/wp-content/uploads/2023/09/aa.png)
![](https://rastriyaonline.com/wp-content/uploads/2024/06/Pachpokhari-Sandesh.jpg)
सिन्धुपाल्चोक । जिल्लाको पाँचपोखरी थाङपाल गाउँपालिकाले म्याद गुज्रिएको अखाद्य बस्तु जफत गरी सोमबार नष्ट गरेको छ । बिभिन्न मितिमा बजार अनुगमनका क्रममा म्याद सकिएको करिब २ लाख पचास हजार बराबरको अखाद्य बस्तु नष्ट गरिएको बजार अनुगमन समितिका संयोजक एवंम गाउँपालिकाका उपाध्यक्ष सुनिता अधिकारीले जानकारी दिनुभयो । उहाँले भन्नुभयो “नागरिकको स्वास्थ्य संग प्रत्यक्ष जोडिएकोले पनि अखाद्य बस्तुहरुलाई जफत गरी नष्ट गर्नुपरेको हो । नागरिकको स्वास्थ्य संग कुनै सम्झौता हुनै सक्दैन” ।
अखाद्य बस्तुहरुले मानिसको स्वास्थ्यलाई प्रत्यक्ष प्रभाव गर्ने भएकाले त्यस्ता सामाग्रिहरुको आयातलाइ निरुत्साहित गर्ने र आगामि दिनमा नियमित चेकजाँचलाई थप कडाई गर्ने योजना रहेको पनि उहाँले बताउनुभयो ।
गतबर्ष पाँचपोखरीले पालिका स्तरीय बजार अनुगमन गर्दा होटल तथा पसलहरुबाट मिति गुज्रिएका करिब सात लाख बराबरको अखाद्य बस्तु एकैसाथ नष्ट गरेको थियो । पालिका प्रवेशमै मिति गुज्रिएका अखाद्य बस्तु जफत गर्न थालेपछि करिब ९० प्रतिशत खाद्य स्वस्च्छता कायम गर्न सफल भएको पनि गाउँपालिकाले जनाएको छ ।
गाउँपालिकाले पालिका प्रवेशद्धार खाल्डे सुचना केन्द्रमा नियमित चेकजाँचलाई कडाई गरेपनि ग्रामिण पसलहरुमा म्याद गुज्रिएका सामानहरु भेटिने गरेको अनुगमन समतिका सदस्य सचिव अनिल पाण्डेले बताउनुभयो । अनुगमनका क्रममा चामल, तेल, मैदा, पेय पदार्थ लगायतका म्याद गुज्रिएका सामानहरु फेला परेको उहाँको भनाई छ । व्यवसायीहरुले सामान आयात गर्दा अनिवार्य रुपमा मिति हेरर मात्रै ल्याउन पनि आग्रह गर्नुभयो । जफत गरिएको सामान समितिले स्थानीय, कर्मचारी, जनप्रतिनिधी, सुरक्षाकर्मी तथा संचारकर्मीको रोहबरमा नष्ट गरेको हो ।
![](https://rastriyaonline.com/wp-content/uploads/2024/06/WhatsApp-Image-2024-06-03-at-13.52.34_831cb79c-1024x576.jpg)
![](https://rastriyaonline.com/wp-content/uploads/2024/06/WhatsApp-Image-2024-06-03-at-13.51.42_babeaf2f-1024x576.jpg)
![](https://rastriyaonline.com/wp-content/uploads/2024/06/WhatsApp-Image-2024-06-03-at-13.41.17_ce795441-1024x576.jpg)
![](https://rastriyaonline.com/wp-content/uploads/2024/06/WhatsApp-Image-2024-06-03-at-13.41.37_93bb5154-1024x576.jpg)
प्रतिक्रिया