कला र संस्कृतिको संरक्षण गर्न मेलम्चीमा खैजडी भजन प्रतियोगिता
राष्ट्रिय अनलाइन
प्रकाशित: २०८१ वैशाख ११ गते १९:१४ कला संस्कृतिको संरक्षण गर्ने उद्धेश्यले आयोजना गरिएको मेलम्ची नगरस्तरीय खैजडी भजन प्रतियोगिता मेलम्चीमा सम्पन्न भएको छ । मेलम्ची नगरपालिकाको आयोजना र जेष्ठ नागरिक सञ्जाल मेलम्ची नगरपालिकाको समन्वयमा भएको प्रतियोगितामा नगर भित्रका ८ वटा वडा सहभागी भएको थियो । जसमा मेलम्ची नगरपालिका वडा नम्बर १२ पहलिो,वडा नम्बर ८ दोस्रो र वडा नम्बर १० तेस्रो भयो । प्रतियोगितामा पहिलो दोस्रो र तेस्रो हुनेले क्रमश नगद १२ हजार,१० हजार र ८ हजार पुरस्कार प्राप्त गरेको छ ।
कार्यक्रमलाई सम्बोधन गर्दै मेलम्ची नगरपालिकाका प्रमुख आइतमान तामाङले नगरपालिकाले जेष्ठ नागरिकहरुलाई सम्मान गर्दै कला र संस्कृतिको संरक्षणका लागि विभिन्न कार्यक्रम गरिरहेको स्मरण गर्नुभयो । उहाँले जेष्ठ नागरिक हाम्रो समाजको गहना भएकाले उहाँहरुसँग भएका प्रतिभा तथा कलाहरुको संरक्षण गर्दै पुस्तान्तरणको खाँचो रहेको औल्याउनुभयो । कार्यक्रममा सहभागिहरुलाई बधाई तथा धन्यवाद ब्यक्त गर्दै प्रमुख तामाङले आगामी दिनमा पनि हुने यस्ताखाले कार्यक्रममा सक्रिय सहभागिता जनाउन आग्रह गर्नुभयो ।
उपप्रमुख उमा प्रधानले मौलिक कला र संस्कृतीको प्रचारप्रसार र संरक्षण जरुरी रहेको बताउनुभयो । विशेषगरी हाम्रो समाजमा हरेका जेष्ठनागरिकहरु बहुप्रतिभाका खानी भएकाले दोस्रो पुस्ताले ति कार्यहरुको अनुसरण गर्नुभपर्ने बताउनुभयो । नगरापलिका भित्रका सवै जातजातिका परम्परा, कला र सँस्कृतिलाई समान ढंगले संम्बोधन गर्दै अगाडी उपप्रमुख प्रधानले प्रतिबद्धता जनाउनुभयो । उहाँले सम्पुर्ण नगरबासीको त्याग संघर्ष र मेहनतबाट मात्र नगरको मुहार परिबर्तन हुन सक्ने बताउदै नगरको बिकासमा सवै नागरिकले सकरात्मक र रचनात्मक भुमिका खेल्नु पर्नेमा जोड दिनुभयो ।
कार्यक्रमका सभापति नगर जेष्ठ नागरिक सञ्जालका अध्यक्ष एकादत्त धितालले लोप हुन लागेको मौलिक भजन जोगाउन तथा प्रचारप्रसार गर्न प्रतियोगिताको आयोजना गरेको बताउनुभयो । उहाँले जेष्ठ नागरिकहरुको सम्मानका अन्य थुप्रै कार्यक्रमहरु आवश्यक रहेकाले निरन्तर समन्वय गरिरहने बताउनुभयो ।
प्रतिक्रिया